魔術師甄澤權是區瑞強大學師弟　欲邀肥媽黑妹表演刀鋸美人

民歌王子區瑞強（Albert）將於10月15至17日於伊館舉行一連三場《區瑞強相識在童年知心50載演唱會》，早前Albert與嘉賓之一肥媽及黑妹（李麗霞）為演唱會進行綵排。

區瑞強表在演唱會將演出多首70年代經典中文及台式歌，因當年台灣歌在香港很流行，相信觀眾會琅琅上口。

他又搞笑形容肥媽和黑妹可以改名「湯羹姊妹花」，因為（音域）夠闊。肥媽聞言大讚名字好掂，日後登台時可用上！

▲ 三人將台上合作。

Albert又指在演唱會會跟魔術師兼大學師弟甄澤權（Louis Yan）合作玩魔術，至於會否邀肥媽和黑妹幫手上演刀鋸美人，他笑言：「驚把鋸會鋸爛，可能鋸好耐都未得！鋸一個都可以，兩個的話魔術師都驚，我試提議一下。」

肥媽笑言自己不會畀人玩，她們好守身如玉！黑妹亦表示肥媽敢去就一齊玩。

區瑞強表示嘉賓方面最擔心肥媽和胡楓，皆因經常爆肚，最驚搞到超時而被罰錢，又大讚另一嘉賓李思捷既講得、唱得又扮得嘢。